தேசிய மட்ட சாதனை

06-05-2018 அன்று கொழும்பு   சுகதாச விளையாட்டு அரங்கில்  நிறைவுக்கு வந்த 3 ஆவது தெற்காசிய கனிஷ்ட மெய்வல்லுனர் சாம்பியன்ஷிப் தொடரில் எமது பாடசாலையின் உயர்தர வகுப்பைச் சேர்ந்த மாணவன்   சிவநாதன் கிந்துசன் ஆண்களுக்கான 5000 மீற்றர் ஓட்டப் போட்டியில்  16 நிமிடங்கள் 18.43 செக்கன்களில் ஓடி முடித்து வெண்கலப் பதக்கத்தை  வென்று சாதனையை நிலைநாட்டினார். இம் மாணவனுக்கு பாடசாலைச் சமூகம் சார்ந்த பாராட்டுக்களைத் தெரிவித்துக்கொள்கிறோம்.

 கால்வாய் வேலை

எமது பாடசாலையின் ஊடகச் செல்லும் சூசைப்பிள்ளையார் ஆற்றின் மீதான கால்வாய் அமைப்பு தொடர்பாக 2016-2017 ஆம் ஆண்டின் பழைய மாணவர் சங்கத்தின் வேண்டுதலின் பேரில் வவுனியா மாவட்டச் செயலக அனர்த்த முகாமைத்துவ நிலையத்தினூடாக 85 (எண்பத்தைந்து) லட்சம் ரூபா நிதி ஒதுக்கீடு வழங்கப்பட்டுள்ளது. இச் செயற்றிட்டத்தை தயாரித்த எமது பழைய மாணவன் திரு.ஜெ.கார்த்திகேயன், செலவு மதிப்பீட்டை தயாரித்து வழங்கிய பாடசாலை வேலை பொறியியலாளரும் எமது பழைய மாணவனுமான திரு.சி.மயூரன் மற்றும் ஒருங்கிணைப்பு பணியில் ஈடுபட்ட பழைய மாணவன் திரு.S.ஜனார்த்தனன் ஆகியோருக்கும் நிதி ஒதுக்கீட்டைப் பெறுவதில் அர்ப்பணிப்புடன் செயலாற்றிய கெளரவ வன்னி மாவட்ட பாராளுமன்ற உறுப்பினர் திரு.காதர் மஸ்தான் அவர்களுக்கும் மாவட்டச் செயலக உத்தியோகத்தர்களிற்கும் மனமார்ந்த நன்றிகள்.

 க.பொ.த சாதாரணதரப் பரீட்சைப் பெறுபேறு - 2017

இன்று வெளியாகிய க.பொ.த சாதாரணதரப் பரீட்சையில் 9A மற்றும் 8A பெறுபேற்றினைப் பெற்றுக்கொண்ட எமது பாடசாலை மாணவர்களின்
பெயர் விபரம் வருமாறு;
9A பெறுபேறு
     1. M.ஹரிஷ்ராம்
     2. R.ஹரித்கேசன்
     3. P.விபிஷன்
     4. S.விதுஷன்
     5. S.கேதாரன்
     6. T.ஜிருக்ஷன்
     7. V.ஹர்ஷன்
     8. V.டிலான்
     9. G.தனேஷன்
    10. M.சஞ்சித்
    11. K.சன்சிகா
    12. V.வைஷ்ணவி

நீர் சுத்திகரிப்புத் தொகுதி அன்பளிப்பு

எமது பாடசாலையின் பழைய மாணவரும் முல்லைத்தீவு பிரதேச நீர்ப்பாசன பொறியியலாளரும் மற்றும் புதுவாழ்வும் புனர்வாழ்வும் அமைப்பின் தலைவருமாகிய திரு நல்லையா ஸ்ரீஸ்கந்தராஜா அவர்கள் எமது பாடசாலையின் ஆரம்ப பிரிவிற்கு இரண்டரை இலட்சம் பெறுமதியான நீர் சுத்திகரிப்புத் தொகுதியினை நன்கொடையாக அன்பளிப்புச் செய்துள்ளார். பாடசாலை சமூகம் சார்பாக திரு நல்லையா ஸ்ரீஸ்கந்தராஜா அவர்களிற்கு மனமார்ந்த நன்றிகளைத் தெரிவித்துக்கொள்கின்றோம்.